2022-02-16 09:49:28

魯庭暉讚陳卓賢默默耕耘必會陪伴走下去 Ian：別要整喊我

MIRROR成員陳卓賢(Ian)於周一(14日)推出新歌《留一天與你喘息》，早前一眾Hellosss(Ian粉絲暱稱)為偶像焦急，向經理人花姐及ViuTV董事兼總經理表達擔憂，魯生昨晚(15日)在社交平台發文，以寫故事比喻MIRROR十二子的發展，各有不同步伐，毋須比較，並大派定心丸表面，表明作為身邊人，必會陪伴和支持Ian，相信他必會愈走愈好，Ian亦感動以英文回應：「Please don't make me cry！(請不要整喊我)。」Hellosss獲偶像在情人節送上新歌作禮物，當然要無限loop作為回禮，不少Hellosss通宵捱眼瞓，成功將MV推上熱門音樂影片第一位，新歌上架不足30小時已有逾百萬點擊，非常犀利。

作為身邊人信任和陪伴Ian

新歌MV上架一天後，魯庭暉在IG上載《留一天與你喘息》的MV照片，分享對Ian和女主角袁澧林(Angela)的印象，他自言記性不好，但對初初認識一個人的故事，總能記得很仔細，繼而表示要說兩個故事，一長一短，藉此表達對照片中男女主角的初見印象，而短的一個就是說Ian。他表示，「呢個人同我嘅起點，從我嘅角度睇，係三個字：後樓梯」然後就指故事已講完，他解釋：「因為佢唔鍾意將啲嘢周圍講，所以講佢嘅故事，係講幾個字咁上下㗎咋。即係咁嘅，有啲人一直其實好努力，但唔代表佢要長篇大論話你聽。每個人嘅經歷都唔同，開心同唔開心，其他人未必理解。我哋身邊嘅人要做嘅，就係相信佢，陪住佢。因為，佢一定會一步一步咁，愈嚟愈好。」看來魯生頗了解Ian的個性和內心世界，這番話亦配合新歌的陪伴主題，獲支持與讚賞的Ian罕有地留言回應：「Please don't make me cry(請不要整喊我)。」

派定心丸毋須比較

接著，他以寫故事比喻MIRROR十二子的發展，「最後，我只係想講，有啲故事好自然就會寫到出嚟，有啲故事呢，要好努力好努力，經歷好多好多，先至會發生。冇嘢要比較，冇話邊個好，但所有故事都有共同嘅一點，就係，繼續寫落去。」大派定心丸，似是回應早前Hellosss的憂慮，因為Ian自半年前的《搞不懂》後，久未有新作，粉絲擔心他會落後於其他已出solo的鏡仔。

魯生睇好袁澧林

另外，魯生亦有分享對初次認識袁澧林的形象，當時他自言首次擔任廣告導演，首個廣告的女主角正是袁澧林，「我心諗，呢款樣，實紅喇。」後來他加入ViuTV，製作部拍攝一個45分鐘的宣傳短劇《We I U》，他完全沒參與，但巧合地女主角亦是袁澧林。換言之，他事業上的兩個第一次皆與袁澧林有關，他表示，「好自然咁佢做咗我哋開台第一個節目嘅女主角。雖然嗰個唔係咩高成本節目。但係成件事自然到爆，有啲嘢，就係咁自然。」獲魯生加持，袁澧林亦以開心的emoji回應。