林夏薇打到郭鋒牙都甩埋。
《黑色月光》一眾演員早前現身商場宣傳，劇中扮演奸商「卓昊天」的郭鋒亦首度出席宣傳活動。他與林夏薇在劇中扮演兩爺孫，二人關係只是表面和諧，稍後劇情會提到林夏薇跟郭鋒對著幹兼怒摑對方。
郭鋒︰我唔出聲啫
郭鋒與林夏薇一齊接受《娛樂新聞台》訪問，薇薇說︰「好多謝鋒哥信任！打人嗰個壓力都好大，佢好信任我，仲話阿女盡情打落去，唔使理，所以盡量都一Take過。」郭鋒聞言隨即指住右面並謂︰「因為你呢一take，令我好好似唔見咗隻牙。我唔出聲啫，廢事影響你。」搞到在旁的薇薇尷尬掩面。
林夏薇摑郭鋒那場戲，不少網民覺得林夏薇好恐怖。
郭鋒被打到隻牙鬆晒
問到那一場戲拍了幾多次，薇薇說：「每一個機位拍咗一take，但要換唔同嘅角度，所以辛苦你啦爺爺。」郭鋒則風趣回應：「唔辛苦，多謝你幾take打我，因為第一take隻牙就鬆鬆哋，再打就再鬆啲，慢慢鬆總之就剝咗。」
🎁 amJetso請你睇《焚城》，快Ｄ開APP玩👇 👇
