![小肥早前在IG透露做了一個震撼的訪問,他說︰「震撼的回答到他們跟我自己……
深吸一口氣,再深呼一口氣~」](https://cdn.am730.com.hk/s3fs-public/styles/article_image/public/news_image/1597297160_ZT.png?itok=lbwSvcya)
小肥早前在IG透露做了一個震撼的訪問,他說︰「震撼的回答到他們跟我自己…… 深吸一口氣,再深呼一口氣~」
44歲歌手小肥在陳志雲的YouTube頻道《Stephen.傾》中,首度談及自己的性取向,表示自己在28歲那年確認自己的性取向,但礙於心理關口,一直未有公開承認,完整訪問將於今晚播出。
在節目中,志雲提到小肥常被記者追問性取向,小肥支吾以對︰「輕輕帶過囉,未準備好,其實一路都驚,心裏面有啲負擔...…點講好,我其實到28歲先確定某啲嘢,成28年,我都一直否定緊自己某啲嘢,習慣咗,同埋一個恐懼,自己都驚咗,如果承認咗某啲嘢會點呢?」
![小肥的性取向常被記者追問。](https://cdn.am730.com.hk/s3fs-public/styles/article_image/public/news_image/1597297167_Fi.png?itok=sga4UN5d)
小肥的性取向常被記者追問。
小肥稱直至2017年製作專輯《睡前服》,監製指專輯主題講坦白,在製作過程中令小肥開始醒覺。他說:「我都好似頓悟到一啲嘢,你既然唱得呢啲歌,帶出一啲意思,你就要實行,佢哋都有問我,如果他朝一日,記者再問你會點呢?(靜了數秒)我想坦白,但係好難衝破,唔知點解。」
![他在IG表示感到自豪。](https://cdn.am730.com.hk/s3fs-public/styles/article_image/public/news_image/1597297171_tc.png?itok=4skW4YTt)
他在IG表示感到自豪。
志雲續追問小肥是否承認自己的性取向,小肥點頭並謂︰「點講呀,我未準備好去面對,未行第一步,第一步俾咗你。」自言食了誠實豆沙包的他,被自己嚇了一跳,更在節目中流下男兒淚。
過去曾有傳媒問到他的性取向,但他未有承認,如今小肥如釋重負,今早在IG留言說︰「嚇親大家,唔好意思。仲好緊張,但我自豪。」並獲得不少圈中好友及網民留言支持。
![](https://cdn.am730.com.hk/s3fs-public/styles/article_image/public/news_image/1597297164_IE.png?itok=guAWe7hi)