蔡卓妍(阿Sa)、鍾欣潼(阿嬌)、周柏豪和惠英紅等，前晚在8號風球下出席電影《原諒他77次》首映，容祖兒本要拍廣告，但因打風而取消，所以能抽空現身撐場，令阿Sa驚喜又感動。
阿Sa自言貴人出門招風雨，試過10號風球去灣仔出席品牌活動，她又笑指是因為柏豪才打8號風球的，柏豪表示：「仍係新人時，試過兩次首映同一次簽名會都遇上8號風球。」在旁的阿Sa即笑指他是「周8號」。
對票房有信心
當晚原定邀請了盧巧音(Candy)和鄭希怡(Yumiko)出席，阿Sa表示，「Candy病咗，Yumiko因飛機延遲趕唔切嚟。」柏豪就話太太要休息，所以未有出席，「因為佢平日忙於照顧我，同埋打理家頭細務，之後有時間會陪佢去睇戲。」被問到對票房有無信心，阿Sa表示：「都OK，每場優先場都爆滿，網民同影評都正面，安心啲。」
入App免費拎荷花BB展入場券
