蔡卓妍
現年42歲嘅組合Twins成員蔡卓妍（阿Sa），出道逾20年仍Keep住一副可愛童顏及弗到爆身形，令唔少粉絲大感羨慕。
出席米蘭時裝周活動
日前佢前往意大利，出席米蘭時裝周活動，除咗上載多張出席活動及喺當地遊玩嘅照片到社交網站同粉絲分享之外，佢仲有同好友馬天佑拍片，不過片中佢嘅下巴明顯凸出，引起網民熱議。
喺短片中，阿Sa嘅正面係冇問題，不過佢嘅側面就見到下巴明顯凸出，形狀似足蝦餃 。
好彩唔係惡性
阿Sa對此曾喺2019年《澳門國際電影節》受訪時作出解話，佢當時表示以為肥咗，所以下巴腫腫的，醫生朋友就幫佢按下巴位，初步判斷唔係脂肪及雙下巴，摸到一粒嘢，所以建議佢去照磁力共振，結果係淋巴囊腫，有兩粒物體黐著口水腺位置，好彩唔係惡性。
佢仲話呢個淋巴囊腫嘅起因係免疫系統出問題 ，患處冇痛楚，亦唔會影響日常作息，曾中西合璧醫病，如果按時吃藥有助減輕病情。
原文刊登於 Yahoo 娛樂圈
立即更新/下載AM730手機APP 體驗升級功能
