阿亮在石鼓洲康復院接受1年戒毒療程後，成功戒除毒癮，並重返該地輔導戒毒人士。
西九文化區上月舉辦的電子音樂節驚傳淪為毒品派對，4名青年1死3危殆，年輕人吸毒問題再受關注。有戒毒機構直言，儘管政府呈報的吸毒人數錄得下降，但青年吸毒問題愈趨隱蔽，更難找出吸毒人士，令吸毒者「毒齡」延長，禍害更大。有個案曾在家中隱蔽吸毒14年，戒毒後追悔浪費青春，勸勉年輕人「堅拒第一啖，食一啖就係一世。」
文：葉兆臻 攝：黃文山
香港戒毒會為自願戒毒人士提供戒毒療程。
就在西九電音節懷疑毒品奪命案的前一天，禁毒處公布上半年本港吸毒情況統計，整體吸毒人數為3,994人，較去年同期下跌兩成；首次被呈報吸毒的人數為758人，當中一半為21至35歲年輕人士。儘管吸毒人數錄得跌幅，但該處直指情況不容樂觀，強調吸毒年輕人比例仍高，並有隱蔽吸毒趨勢。
35歲的阿亮曾是隱蔽吸毒者，吸毒長達14年，「17歲第一次，同同學去表哥屋企玩，食大麻，佢哋叫試下咪試，真係廣告嗰句『係咪朋友先？』跟住就開始同佢哋去Rave Party(音樂派對)，開始食K仔(氯胺酮)、搖頭丸……好奇囉，嗰陣我知白粉會上癮，但唔覺得呢啲會，覺得有得玩最緊要。食完個人好飄，覺得一切都美好，可以逃避現實……」
以為不會上癮變成心癮，繼而毒品成癮，「一個星期去四、五晚夜場；由一日四分一粒慢慢變一粒、一日兩三啖K，變成一日成日都索。」即使夜場陸續倒閉亦無阻吸毒，「夜場少咗就喺屋企吸，毒品收埋喺屋企，阿媽搵唔到嘅地方，有時阿媽見到，以為我飲醉酒。」一時的快感，卻換來長期的副作用，「身體跟住頂唔順，成日胃痛、小便痛，一晚要去七、八次廁所，但唔識死，等身體好啲又食過。」
「到咗31歲，終於阿媽報警拉自己個仔。」吸毒14年後，阿亮入住香港戒毒會石鼓洲康復院戒毒，「原本入去都只係當休養，係到咗第一次家人探訪，第一次好清醒、正面咁望阿媽，以前我成日低頭，唔想佢睇到我吸毒。佢好蒼老咁喺度喊，嗰刻我先真正醒，嗰刻下定決心。」在石鼓洲一年後，阿亮重返社會，目前在該會負責輔導工作。「我而家同阿媽可以傾好耐偈，佢好放心，我終於識諗……諗返以前，浪費咗好多時間，我會勸年輕人，真係唔好食第一啖，一食就一世。」
關注跨代吸毒
香港戒毒會署理社會福利總監鄭妙娜(圓圖)表示，隱蔽吸毒者有年輕化、甚至跨代吸毒趨勢，「最細8、9歲都遇過，部分父母係吸毒者。隱蔽吸毒者好多時唔覺得吸毒有問題，或者覺得唔影響人，其實一樣危害健康、甚至因精神問題而有嚴重後果。」鄭承認，找出隱蔽吸毒者有難度，「主要靠外展服務，除咗吸毒者自身醒覺，家人角色好重要，好多時靠家人察覺問題。」至於「跨代」吸毒問題，滙豐香港社區伙伴計劃資助該會的「兒童學習加油站」計劃，跟進戒毒康復人士子女的學習進度，希望改善下一代的生活環境。鄭妙娜呼籲有需要人士及早求助。
(香港戒毒會熱線：2574 3300)
【限時激減】800 amFUN 2盒！1200 amFUN 4盒！
