海洋公園現正全天候加護照顧大熊貓BB。(海洋公園FB專頁)
海洋公園大熊貓「盈盈」日前誕下一對龍鳳胎，公園預告日後將邀請港人為龍鳳胎同即將抵港嘅一對大熊貓改名。前財政司司長曾俊華建議，姐姐可取名「熹熹」，寓意香港前途繼續光明，弟弟則可以叫「智智」，寓意佢聰明、伶俐、有智慧，能夠分辨黑白。
上星期四去大熊貓館「摸門釘」
曾俊華喺社交網站話，上星期四心血來潮想入海洋公園行一行，仲一心諗住去探下「盈盈」同「樂樂」，點不知去到先發現大熊貓館閉館兼冇解釋原因，嗰時當然好失望。後尾知道原來因為「東主有喜」而閉館，對於終於有大熊貓BB喺香港出世，「我當然好高興啦。」
連埋中央即將贈送嘅一對年輕大熊貓，海洋公園之後一共會有6隻大熊貓。曾俊華話，數目雖然比唔上重慶動物園咁多，但就絕對好有睇頭，尤其一對大熊貓BB肯定有好大吸引力，相信會幫到一直經營困難嘅海洋公園。
amJetso送太興鮮臘腸 👇立即按此參加
