田北辰與好友一同實測單車版屯馬綫，由元朗踩入上水。(田北辰FB)
田北辰形容11公里的單車徑「中止又中止 勁過立法會」。(田北辰FB)
港鐵屯馬綫一期年初已經通車，立法會議員田北辰早已試搭，他近日就實測單車版屯馬綫，由元朗踩入上水，全程11公里，仲拍片同大家分享踩後感。
田二少平日放假會帶埋孫仔踩單車，但佢話聽聞呢條新單車徑一波三折，七上八落，而且九曲十三彎，所以佢身先士卒去探路。
一身標準單車裝束的田二少，夥同好友Mark哥朝早11點由元朗單車匯合中心出發，踩到上水雙魚河休憩處，本來以為個零鐘踩完，最終中午1點完成。佢話最大感受就係新單車徑「中止待續」嘅威力，為安全、跟足規矩，粗略計算都要中止至少40次；另外仲有啲個別問題，例如部分路段指引唔清晰、燈位太耐、甚至有「消失的單車徑」等等。
田二少試踩完呢條路段後，喺Facebook圖文並茂分享，用咗「中止又中止 勁過立法會」為題，夠晒搶眼球，佢仲話暫時唔會帶啲孫踩足呢11公里，最多都係踩下雙魚河嗰段。
唔知其他單車友對呢條新單車徑又有咩意見呢？
【限時激減】800 amFUN 2盒！1200 amFUN 4盒！
