楊受成先生夫人也有到場支持。
張敬軒演唱會昨晚與觀眾一同倒數歡渡新年，軒仔請來MC $oHo & KidNey , Kayan9896及七仙羽任嘉賓，笑聲滿載，而軒仔在三度安哥下，觀眾才依依不捨離去。
昨晚嘉賓環節，軒仔表示：「2021來到最後一日，無論今年發生所有唔順利嘅事，我決定用呢首歌送走佢 ！」音樂響起《係咁先啦》，MC $oHo & KidNey , Kayan9896便升上台，全館觀眾企曬起身，用歡呼聲一齊大合唱。進入倒數時間，蘇致豪及許賢、Kayan、軒仔與觀眾倒數，全場更大合唱《倒轉地球》，氣氛hit 爆。
倒數過後，軒仔再請另一位嘉賓七師傅出場，歡呼聲嘈到連軒仔講嘢都聽唔到，軒仔笑住話:「大家見到我未婚妻咁開心」七師傅即表示：「下，我地乜都未做過喎，咪好唔抵」笑到全場肚痛，軒仔再謂: 「你又講得啱，但係我好保守，有D 嘢我要結o左婚先做，你今日綵排叫我咩話？你記唔記得？」七師傅答 : 「老公....唔係....軒公」。
為了表達對軒公的愛，七師傅選了「月亮代表我的心」與軒仔合唱，唱畢，觀眾大叫軒仔「嘴佢！」軒仔最初聽不清反問觀眾：「咩話？娶佢？哦...嘴佢....」此時七師傅搶答，「我ok o架！」在全場觀眾大叫揼地，軒仔盛情難卻，師傅再來多句: 「你錫邊度都得！」軒仔唯有嘴o左師傅塊面一啖，師傅隨即問: 「駛唔駛回禮？」軒仔此刻已是肉隨砧板上，企定定任嘴。親熱過後，師傅搞笑辯護，「柴J粉絲唔好嬲我，佢係屬於大家，我都係搞下氣氛」觀眾即歡呼聲四起。最後軒仔揚言今年得到七師傅嘴唇加持，一定好運過人。
最後師傅突然叫人拿出一個垃圾膠袋，話要送禮物比軒仔；「我本來想送層樓比你，但係我又驚爆緋聞，d 人話我包養你，所以我用好長時間，自己親手做份禮物比你」接著由垃圾袋中拿出一個能量塔:「可以帶比柴J，柴西你，日日咁開心！」
此外，昨晚楊受成先生夫人、游學修等一班試當真成員均有到來捧場，楊生更於後台大讚軒仔演出成功，互相擁抱祝賀新年。
倒數全場更大合唱《倒轉地球》，氣氛hit 爆。
軒仔與七仙羽公然互咀。
【限時激減】800 amFUN 2盒！1200 amFUN 4盒！
