盧寵茂(左二)同李夏茵夫婦(右)、祁志鴻(左一)一齊食早餐。(醫務衞生局FB)
今日係香港回歸27周年，政府聯同各界推出連串特別優惠同活動。醫務衞生局局長盧寵茂今朝就同副局長李夏茵、佢丈夫兼香港醫學專科學院主席梁嘉傑，同埋政治助理祁志鴻，一齊去到數碼港商場嘅金記冰室食早餐。醫衞局形容，局長同副局長食完港式早餐之後，亦都有享用商場嘅七一購物優惠，同市民一齊食得開懷、買得盡興。
睇返政府網站，數碼港商場今日有提供消費優惠，用指定電子付款方式消費滿100元，就可以換領價值20元嘅餐飲禮券及免費泊車1個鐘。從醫衞局嘅相亦睇到局長係用八達通畀錢，睇嚟4個人食實夠金額啦！
amJetso送太興鮮臘腸 👇立即按此參加
