美國冒險樂園擲彩虹砸界事件，IKEA在社交平台抽水吸逾2.3萬人讚好。(IKEA fb圖)
近日屯門華都商場「美國冒險樂園」的「擲彩虹」遊戲引起爭議，有顧客質疑代幣大過綠色中獎區域範圍，令玩家永遠無法中獎，質疑詐騙之嫌，即場報警求助，事件惹來社會廣泛關注。當中IKEA宜家家居近日在社交平台發文抽水，短短數日吸引逾2.3萬人讚好。
「我應該夠闊啩？」
IKEA在社交平台發帖文，並上載一張寫有「我應該夠闊啩？」的彩虹門墊照片。帖文指「你睇下我條綠色幾闊！目測應該有機會未必會砸界啩？不過建議帶個銀仔嚟IKEA度清楚先。」又說在颱風小犬襲港掛8號風球期間，網上售買可以有88折。
帖文一出馬上吸引網民讚好，連日來吸逾2.3萬人點讚，超過900人在帖文下留言，大批網民大讚小編「抽水」抽得好：「抽得勁快」、「抽到乾塘，求加小編人工」、「太平洋都俾你抽乾了」、「城門水塘都比您抽干(乾)」、「咁都比你抽到，好嘢」，更有網民表示由於抽得太好，已經售賣門墊：「小編咁靚抽，趁打風88折，已幫趁(襯)」。
amJetso送太興鮮臘腸 👇立即按此參加
