關愛座和優先座時常引起紛爭，有小朋友就想到一個特別的方法，希望解決這個「歷久不衰」的問題。有網民乘搭巴士期間，發現落車門旁的優先座坐有一對母子，其間該名男童出手想撕走貼在車身的優先座貼紙，母親見狀當然立即阻止，惟男童以12字回應，令目擊事件的網民大讚這是「小朋友的神邏輯」。
網民戲稱年紀小小已擁有大智慧
事發於一輛港鐵巴士上，發帖網民把目睹的過程在社交媒體分享，指男童當時向家長稱「搣咗張貼紙啲人都可以照坐」。不少網民看罷都覺得小朋友有其道理，「年紀小小已擁有大智慧」、「你唔可以話小朋友錯㗎喎，某程度上個貼呢個貼紙過嚟令到啲人有位都唔坐」、「係個小朋友有遠見，知道呢張貼紙帶嚟嘅問題。」
有留言就指出，小朋友雖然有道理，「但記得張貼紙唔係屬於你，撕咗媽媽要找數」，亦有人戲言男童小小年紀就明白「要話事就要『規矩由我定』嘅重要。」同時，有網民再重提讓座應是自發行為，「除非你唔讓會畀人告，咁就有必要有此座位，否則無意思」、「關愛座係人人坐得，只不過係有需要人士上左(咗)車，而坐緊關愛座嘅非優先嘅人願意讓座就坐。」
網上熱話｜城巴關愛座轉用全藍色設計？網民：懷緬中巴特別座位
amJetso請食南記堂食一人牛乳火鍋 立即按此參加👇
