颱風小犬10月8日襲港期間杏花邨的情況。(資料圖片／陳奕釗攝)
強颱風小犬日前襲港，柴灣大型屋苑杏花邨因位處港島東面臨海處，每當打風都會備受關注。日前再有當區街坊在屋苑群組發帖，呼籲各界「唔好成日淨係話杏花邨大風」、「影下第二度啦，好悶呀」。有留言亦批評社會聚焦杏花邨，「成個香港得杏花邨受風球影響咁」、「最乞人憎話係『黑點』！」
斥業委會表不滿後「依然故我，不知反省」
上月颱風蘇拉襲港後，在同一社交網站群組曾有街坊不滿杏花邨被形容作「風暴黑點」、「重災區」，希望業主委員會和街坊一同抗議。一個月後再次有颱風襲港，有街坊不滿傳媒再度於杏花邨附近報道颱風情況，「真係好討厭、 醜化曬杏花邨⋯⋯」、「擺部機長註(駐)杏花，多餘」、「妖言惑眾！唔知乜嘢企圖」、「上次業委寫信投訴都依然故我，不知反省。」
▼小犬襲港期間杏花邨情況▼
有網民認為藍籌屋苑自然多人關注
同時，亦再有網民質疑為何要形容杏花邨為重災區，「什麼『每逢打風必是重災區』，請問幾十年來除咗天鴿、山竹2次比較嚴重，又有邊次可以用重災形容」、「佢話黑點就係黑點咩？」不過，亦有街坊直言30多年來「風雨不改，年年如是」，認為藍籌屋苑自然會多人關注，樓價亦與大環境市況有關，「茶餘飯後多個話題。」
amJetso送太興鮮臘腸 👇立即按此參加
