鄧炳強為防騙吉祥物「提子」慶4歲生日　今日落戶保安局辦公室｜Ray Online

警務處防騙吉祥物「提子」原來今個月迎嚟4歲生日，保安局局長鄧炳強話祝呢位可愛嘅壽星生日快樂，繼續打擊騙子唔手軟！

呼籲市民慎防騙案

鄧炳強喺社交網站為「提子」發文，話之前喺西九龍舉辦嘅「提子親子嘉年華」深受市民歡迎。完成活動之後，警隊安排大大小小嘅「提子」深入香港唔同角落，今日就迎接其中一粒「提子」落戶保安局。鄧炳強提到就算喺辦公室都要提防騙案，順便畀同事「打卡」。佢亦呼籲大家喺全港唔同角落見到「提子」，記得要提高防騙意識，慎防騙案呀。