Ray Online｜卓永興指多次落區視察阻街 被稱「死神來了」
負責打擊阻街行動嘅政務司副司長卓永興，今朝喺電台為施政報告解畫，佢提到政府開展打擊店舖阻街工作近1年，食環署以及警方密集進行聯合行動，形容市民同地區好聰明嘅，了解到當局係「嚟真」，所以各區情況都已經大大改善。卓永興更加話自己多次落區視察，去到一個階段，啲人見到「小弟」出現，係話「死神來了」！
下周將進行打擊阻街特別行動
另外，卓永興又承認過往打擊阻街執法力度唔夠，而家就「只會加、唔會減」，又預告下星期會進行打擊阻街特別行動，睇嚟大家又要小心「死神」會唔會突擊落區巡查啦！
amJetso送太興鮮臘腸 👇立即按此參加
