女拔學生去伊院同醫護人員一齊報佳音。(伊利沙伯醫院提供)
今晚係聖誕前夕嘅平安夜，一班拔萃女書院嘅學生噚日中午就去到對面嘅伊利沙伯醫院，同院裏面嘅醫護人員師姐齊齊唱歌報佳音，為醫院增添節日氣氛。伊院內科顧問醫生許嘉話，冇諗過喺繁忙嘅醫院入面，可以同師妹同事以及讀緊書嘅小師妹聚首一堂，感覺奇妙有趣，亦令佢懷念中學生活同往事。
今次是疫情後首次復辦
伊院就話，拔萃女書院咁多年嚟都有喺醫院表演音樂嘅傳統，今次更加係疫情後首次復辦，希望喺普天同慶嘅佳節喺醫院報佳音，祝福病人早日康復，可以同屋企人過一個暖笠笠嘅聖誕節。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
