新民黨劉聖雪祝女士情人節保持「蛇腰」、纏綿幸福(陳芷晴攝)
農曆新年啱啱過去，好快就迎嚟情人節。新民黨區議員今日舉行傳媒茶聚，東區區議員劉聖雪祝女士情人節保持「蛇腰」，如果冇嘅話就祝大家嘅「蛇腰」出返嚟。
姚嘉俊多謝太太分擔工作
適逢蛇年，劉聖雪話蛇象徵靈活變通，希望香港「扭出新花樣」，女士喺情人節就保持蛇腰，纏綿幸福、好事連連。講起情人節，當然唔少得夫妻檔、新民黨沙田區議員姚嘉俊同陳敏娟，姚嘉俊仲即場送花畀太太。完善選舉制度之後，選區擴大咗，姚嘉俊分享工作量的確多咗，例如以往農曆新年只係舉辦3、4場寫揮春活動，今年就舉辦大約20場活動，佢都趁機多謝太太幫手分擔工作。
香港物質富裕，不過西貢區議員陳志豪留意到香港人嘅幸福指數唔高，祝福大家新一年精神健康、笑口常開。屯門區議員甘文鋒祝大家新一年身體健康，不過話唔好講完就算，要真係做運動。適逢蛇年，佢祝大家「蛇得就蛇」，但亦唔好拒絕「內卷」。
入App免費拎荷花BB展入場券
