Ray Online｜會計界黃俊碩踩入陳克勤地頭處理居民求助惹爭議 解釋指一直有跟進
民建聯會計界立法會議員黃俊碩平時官仔骨骨，畀人印象主要係服務業界。最近民建聯話積極爭取喺沙田麗坪路增設防撞欄、小巴落客點同行人過路設施，有人對黃俊碩出現喺落區相片入面覺得驚訝。黃俊碩解畫其實佢一直有跟進唔同居民求助，只係平時主要分享業界資訊，而唔係地區事務，就搞到大家唔為意佢有落區啦。
雖然係功能界別代表，黃俊碩話周不時都有會計師順便同佢反映唔同地區事務，有啲就係佢行過路過，自己發現有地區漏洞可以跟進。
強調只要有市民求助都會處理
除咗沙田麗坪路事宜，佢個辦事處最近仲有接獲天水圍天耀邨居民投訴，話附近行人天橋口嘅行人通道，成日畀掛上「切勿光顧無牌小販」嘅流動欄杆用鐵鍊鎖著，嚴重阻礙行人出入，寫信畀房屋署要求跟進。黃俊碩強調只要有市民求助，都會處理㗎！
立即更新/下載AM730手機APP 體驗升級功能
