田北辰化身偵探。(田北辰FB)
立法會議員田北辰今日(29日)出席咗第六屆亞博「兒童書展暨超級親子用品展」。平時西裝骨骨嘅佢，今日就化身故事書裡面嘅漫畫主角，首次參與舞台劇演出。田北辰喺社交媒體發文，話自己雖然只係做咗幾次講故佬，但「一次生，兩次熟，三次就麻木！」怕大家悶，於是今次直頭瞓身演出做兒童劇演員，前晚仲同真係專業嘅兒童話劇專業演員一齊排練。
田北辰就話，呢本《The Fox and the Hen》係講農場失竊案。佢做偵探，周圍查線索，聽晒母雞同狐狸嘅供詞，幫河馬搵出真相，都幾似佢平時做緊嘅嘢。田北辰就話，今次故事就係想同大家分享：做人唔可以先入為主、以貌取人。要搵全盤真相，除咗細心觀察、動腦思考之外，都要做到聆聽各方後先下定論。
amJetso送太興鮮臘腸 👇立即按此參加
