盛智文讚香港夜市帶動到人流，但仍未夠同深圳競爭。(資料圖片／李睿哲攝)
蘭桂坊集團主席盛智文呢兩日係北京出席一帶一路國際合作高峰論壇，佢接受訪問時講到港府舉辦既夜繽紛活動成功帶動人流，相信政府計劃發展廟街可以進一步帶旺市面，但佢仍然認為香港夜市未能夠與深圳同廣州競爭，因為港人北上消費非常方便，加上聯繫匯率下港元強勢，令北上消費成本更低。
促港府審視聯匯制度
盛智文又指聯繫匯率制度同高利率環境都影響樓市表現，希望港府審視聯匯制度，相信特首李家超下周三(25日)發表既施政報告會有措施幫助房地產業。
一帶一路屬年輕人發展良機
盛智文又講到一帶一路，話對年輕人係發展良機，舉例香港同深圳可以係科技方面合作，同時中東好多人士都來中國發展並係香港設立辦事處，他形容係香港既未來。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
