聶德權希望日後賣旗籌款都可以有電子支付。(資料圖片／羅庸軒攝)
賣旗籌款係本港常見嘅的募捐方式，主要是由市民把硬幣投進賣旗袋捐助慈善機構。不過社會流行八達通同電子支付多年，依家出街都唔係人人有硬幣喺身。公務員事務局前局長聶德權就話，之前不時見到街頭賣旗籌款，不過就因為身上冇帶現金而錯過咗支持嘅機會。
希望其他賣旗都有電子支付
做過社會福利署署長嘅聶德權喺社交網站發帖，話今日遇到嘅東華三院賣旗，發現除咗硬幣之外仲可以接受幾款電子支付方式捐助，於是佢即刻掃描二維碼支持，仲話希望日後賣旗籌款，以至更多其他場合例如搭的士、街市買餸、茶餐廳等，都可以有電子支付選項。
佢仲文尾標註埋東華三院行政總監蘇祐安，仲加上智慧出行」、「與時並進」同埋「社署」等hashtag，睇嚟佢都幾滿意呢項進步。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
