工人俱樂部今日舉行成立60周年慶祝酒會。(江思嬅攝)
工聯會位於土瓜灣嘅工人俱樂部今年成立60周年，做官之前係工聯會立法會議員嘅署理勞工及福利局局長何啟明話，工聯會至今仲堅持服務市民嘅原則，令更多基層市民能夠參與文娛康樂活動，令人感到好欣慰。
何啟明今日喺工人俱樂部60周年酒會致辭時提到，工人俱樂部八十年代開始已經提供各種課程，好多市民都成日參加入門級課程增值自己，仲大爆自己都係一分子，「連我自己嘅電掣課程都係工聯會學。」工聯會好感謝社會各界對工人俱樂部嘅支持，提到成立初衷都係為打工仔提供一個活動場所，最初個名係想叫「工人大會堂」，只係因為當時港英政府仲未擁有一個大會堂，所以就唔批准用呢個名喇。
amJetso送 Bodysonic先力牌窗口式冷氣機X靜音循環風扇X電動冷凍小風扇
