騙徒冒認立法會議員，黃國被「追債」始料朋友痛失幾十萬元
公眾人物比較容易被騙徒冒認，工聯會立法會議員黃國近排被朋友「追債」，先發現朋友誤信「AI(人工智能)黃國」，向騙徒匯咗幾十萬。
朋友先後3次匯款幾十萬元
黃國喺社交網站透露有朋友突然叫佢還錢，佢覺得莫名其妙，問清楚先知朋友誤信電話語音「AI黃國」急用借錢周轉，把聲同語氣似到十足，朋友先後3次匯咗幾十萬去騙徒戶口。過咗一排見「黃國」仲唔還錢，忍唔住提出質問，先知道墮入電子詐騙陷阱，朋友對於金錢損失覺得好不安。黃國噚日去咗警署報案，希望警方早日將騙徒繩之於法。
黃國強調冇向任何人借錢，佢提醒大家網絡騙案防不勝防，騙案手法更加層出不窮，「有圖未必係真相」，就算有影片都難判斷真偽。市民應該時刻提高防範意識，提防騙子。
會員免費換香港麥當勞叔叔之家慈善基金「愛❤迎蛇年利是封」及揮春！
