夏天最鍾意去便利店摷雪糕櫃，最近竟然發細細個已經成日食嘅牛奶公司紅豆樂、蓮花杯，連packing都好似一模一樣！原來牛奶公司玩復刻，推出一系列懷舊甜品，重現10款期間限定復刻版包裝，有4款蓮花杯、紅豆樂冰棒單件裝以及5款家庭裝雪條，包括紅豆樂冰棒、旺寶雪條、脆皮樂香芋味雪條、脆皮樂呍呢拿味雪條以及鳳仙呍呢拿味雪條，回憶返晒來！
宜家幫襯各款雪條雪糕仲有紀念品，由即日起至5月29日期間，於指定7-11購買任何雀巢雪糕產品滿$20或以上(以單一機印收據正本計算)，即可加$5購買紅豆樂行李牌禮品乙件；5月18日至6月7日期間，於各大惠康超級市場購買指定雀巢牛奶公司家庭裝雪糕產品3盒或以上(以單一機印收據正本計算)即可加$5換購雀巢牛奶公司復刻版手提袋乙件，貨品數量有限，售/換完即止。
