以前lunch time唔想食肉都不知點算好，選擇少得離譜！現在時代唔同，上至酒店以至快餐店，都從非常有限度提供素菜到打正名堂推出健康或素菜餐！好似向來非常注重食材新鮮度同營養配搭的Pret A Manger，最近就推出咗9款素及純素菜式，由前菜沙侓、餐湯、湯通粉到三文治及甜品都花盡心思配搭，以superfood入饌，好似印式香濃南瓜湯，除了加入多款扁豆及馬豆等，更有薑黃、芫荽、小茴香等，充滿異國風情；沙律就有首次登場，大大塊烤波特菇，加以紅菜頭、烤甜薯及香草青豆，配上經典法式沙律汁及清爽紅石榴籽，極富層次，而乳酪甜品仲有三款咁多,當中芒果奇亞籽純素椰子乳酪，更不含麩質，烤椰子片加上香蕉香燕脆片，好有熱帶風情！不過留意番，9款素食限於指定分店供應，大家要check清楚邊間最就手。
www.pret.hk
立即更新/下載AM730手機APP 體驗升級功能
