![Edan狂抹雀屎,自嘲雀屎安。](https://cdn.am730.com.hk/s3fs-public/styles/article_image/public/2024-08/3_15.jpg?itok=sqWfCOTu)
Edan狂抹雀屎,自嘲雀屎安。
呂爵安(Edan)難得有空,日前與ERROR成員193(郭嘉駿)、肥仔(梁業)相約打波,他在IG限時動態po片,竟然遇上「爵屎」(歌迷暱稱)。片段所見,大家出完一身汗行去攞車,Edan在車頭觀察用紙巾狂抹,肥仔就話:「冇啦,咁多雀屎。」Edan回應:「真係有雀屎呀今鋪。」肥仔即時大笑。Edan繼續話:「打完波,幾多雀屎呀,幾開心呀,多謝大家咁鐘意我呀…真係,咁多雀屎。」193建議他去洗車,Edan突然手一郁,扮嘢將紙巾掟向肥仔,嚇到肥仔大叫:「打你呀。」
![193嚟到,同肥仔一齊叫Edan去洗車。](https://cdn.am730.com.hk/s3fs-public/styles/article_image/public/2024-08/1_21.jpg?itok=Fak5Ktjq)
193嚟到,同肥仔一齊叫Edan去洗車。
![Edan扮嘢將紙巾掟向拍片中的肥仔。](https://cdn.am730.com.hk/s3fs-public/styles/article_image/public/2024-08/4_12.jpg?itok=oAI5F2bx)
Edan扮嘢將紙巾掟向拍片中的肥仔。
機場雪糕似雀……
Edan今日再po片並留言:「最近機場食到意大利雪糕,真係夏日透心涼。」Edan將白色雪糕大啖放入口,加上美味表情,確實令人想食埋一份。但諗起他上一段片講緊雀屎,又即時令人諗起……都係唔食了。
![Edan今日再po片,令人聯想雪糕好似雀……。](https://cdn.am730.com.hk/s3fs-public/styles/article_image/public/2024-08/5_9.jpg?itok=8UwHq2Nt)
Edan今日再po片,令人聯想雪糕好似雀……。