張致恒與老婆雯雯再因欠租金被迫遷。
張致恒（Steven）與太太區燕雯（雯雯）長期在社交平台表示財困兼放負，問題多年來一直未有解決。日前雯雯就在社交平台透露再被業主逼遷，更以黑底白字表示：「再見」，令網民憂心！相隔一天後，今日(28日)雯雯再於IG限時動態發文揚言「不如一齊離開」。
雯雯疑冇錢交租，昨日貼出被業主逼遷的對話截圖，並寫道：「我撐咗咁多個月，好攰，肥妹都走埋，依家真真正正發生，我亦冇力再撐，既然個天要咁發生，唯有接受。」接著發出黑底白字，寫上「再見」。
今天，雯雯透露已經交返幾千蚊，再交多兩個月租金，但仍然被逼遷，她謂：「多謝真正關心嘅你們，交返幾千蚊，再交多兩個月，業主都要我地走。我一個人能力有限，出面亦冇可能有人租比我，自己知自己事，又唔係未試過全部人坐係街冇地方瞓，我連狗都不會放棄更何況小朋友，所以如果要瞓街不如一齊離開。」又續指自己不是在發悔氣：「而係冇人會明白係冇路行。成日話揾社工，社工講過，冇可能即時揾到屋比我！需要時間！我哟狗我係唔會放棄！真正關心嘅多謝你們！其他不是真心亦不用再多說了。我已經好累。」
雯雯繼續放負表示瞓街不如一齊離開。