不時有巴士乘客落車時把報紙留在座位上。(Threads圖片)
在手提電話上網不太流行前，港人乘搭交通工具主要都是靠閱讀打發時間，時至今日仍有部分乘客喜歡在車上閱報。最近有網民觀察到，不少伯伯都習慣把看完的報紙放在座位上而不帶走，不明白究竟是他們缺乏公德心，還是故意為之，希望把報紙留給下一位乘客閱讀。
▼網民討論報紙不帶走放座位行為▼
有指西方社會仍流行這習慣
有網民指出，他們的目的主要都是留給下一名乘客閱讀，「問過佢地(哋)，話留低比下一人睇」、「上一代真係會放低報紙俾下一手」、「約定俗成嘅傳統，可以留意下係接(摺)返好既(嘅)。」有留言就提到，曾經見過有下一名乘客取起座位上的報紙閱讀，「實不相瞞，我以前如果喺車見到報紙，都會執起睇吓，之後落車去洗吓手就得。」
同時，有人形容西方社會現時仍流行這個習慣，「西方社會係興咁樣，下手睇完又放返低，不過香港唔興，我諗係文化上唔係好想用人哋嘅嘢」、「十幾年前，我澳洲個friend話澳洲都係咁，留番份報紙喺車廂俾下一個睇。」不過，發帖網民就坦言現時大部分乘客也是用手提電話，「擺得喺度就同垃圾阻掟冇分別。」
amJetso送香港迪士尼樂園成人一日門票 ⬇️⬇️立即開APP參加⬇️⬇️
