![HK Express容許乘客預先購買座位,否則會在辦理登機手續時隨機安排座位。(資料圖片/陳奕釗攝)](https://cdn.am730.com.hk/s3fs-public/styles/article_image_with_watermark/public/2024-07/5fiuetw4jb5f.jpg?itok=7CYPaUl7)
HK Express容許乘客預先購買座位,否則會在辦理登機手續時隨機安排座位。(資料圖片/陳奕釗攝)
HK Express(香港快運)日前鬧出調位風波,影響到已預先購買座位的乘客。在事件發生前,有已預先買位的HK Express乘客在起飛前,就遇到一群不斷在機艙內調位的乘客,其後更被「要求」調位以遷就他們可以與朋友一起坐,事主遂馬上拒絕並表明「好介意咁樣調位」,又批評他們甫上機便爆粗斥責要與幼兒乘客同坐,「身為香港人真係好失禮!」
▼網民討論買位乘客明言拒絕調位事件▼
呼籲旅客想同坐「早啲俾錢買位」
事主早前在社交網站群組發帖,先提到自己已預先付費200多元購買舒適座位,在機上坐下後就發現一群年輕乘客進入機艙,當其中一人發現鄰座為幼童乘客時,不禁立即高聲說一句「×街啦!要同BB坐!」她續說,一行人後來不斷自行調來調去,起初因事不關己而不打算理會,豈料其中一人之後更要求事主調位,好讓他們可以與朋友一齊坐。
當時事主聞言後馬上拒絕並表明很介意調位,「我係俾錢買2C位,你哋竟然好意思開聲要求我調去坐2D位既(嘅)?」她又批評他們行為失禮,「你哋成後生仔女咁自私,一開始就大聲講『×街啦!要同BB坐』,身為香港人真係好失禮!」事主最後呼籲乘客如果想在機上一起坐,「麻煩大家想坐埋一齊,就早啲俾錢買位,而唔係騷擾其他乖客幫你調位咁自私。」
網民:1000元可考慮調位
有網民就認為,部分香港人一向自私兼完全不覺得自己有問題,「就算啲座位唔使俾錢買都唔會要求對方調,更何況要俾錢買」、「支持你唔調位!呢啲人做咩要就佢地呀」、「如果我係俾錢買位,一定死都唔會調。唔駛唔好意思,唔好意思應該係叫人調位個個。」有留言就戲言若出價1,000元調位可能都會考慮,事主回應稱「如果佢拎左張$1000比我,咁我會賣個位俾佢哋」。不過,有人就覺得並非大問題,「其實都問一句啫,唔想調位都係答一句啫,我覺得無所謂嘅。」