有多年歷史嘅江南小菜糟滷蛋，容易做，但做得好唔好食就另當別論。奧卑利嘅糟滷蛋，係我食過最出色嘅。網上面見到大部分嘅食譜，都係製作溏心版本，只要掌握好煮雞蛋嘅時間，及時放入冰水，唔難做出溏心效果。至於糟滷，咪又係買現成嘅！咁點解自己整嘅同喺餐廳食嘅爭咁遠？
個糟滷係餐廳總廚黃師傅嘅家傳食譜，加入唔同嘅香料同調味再調配過醬汁，味道更香更濃，酒香更醇。浸過嘅蛋，酒香醇而唔嗆喉，亦冇苦澀味，非常出色。
其實我自己都試過係屋企整，不過都係fail，算啦都係上大館食算……
話時話，7-11即食溏心蛋都俾大家追捧到斷晒市，大家高抬貴手，留返一包俾我啦！
奧卑利│中環荷李活道10號大館賽馬會藝坊2樓