負責製作甜點的家廚阿文(左)及招呼客人的管家明哥。
新一屆政府繼續其管治新風，要多跟傳媒接觸，重視與媒體互動，由特首及司局長，雖然公務繁忙，仍接力舉行多場傳媒午宴及茶敘。上周提過，政務司長張建宗同傳媒老總午餐時，就帶同兩名年輕女intern(實習)，而昨日司長跟一班年輕一輩，「更有幹勁」(張司長用詞)的前線記者午聚時，亦見另外兩名intern在現場幫手，看來他們今個暑假真的收穫不少。
講番傳媒聚會，目的當然希望喺和諧氣氛下交流一下，而正如張司長講，如果政府開正式記者會，就唔會有食物招呼，所以食物質素都好重要。根據出席人士講，昨日招呼記者的點心美食，包括：燒賣、蝦餅、春卷、咖喱角、炒麵、咕嚕肉，以至甜品如香蕉糕、煎堆及頗考功夫的椰撻均有供應，而且味道不俗，原來都出自政務司長家廚之手，似乎可以照顧到出名「唔放假」的張司長，在家中亦能享受到上館子「飲茶」的樂趣。至於張司長何時搬進司長官邸，他則預計約兩個月後，現正準備做必要的修繕，但講明不會有任何美化工程，咁會否維修網球場呢？張司長笑言：「個網球場喺邊，我都唔知。」
