《KAWS：HOLIDAY》終於來臨香港站展出了，呢個比上次小黃鴨更大嘅巨型浮水公仔將於下周五(3月22日)開始於維多利亞港出現，直至3月31日，足足10日時間等大家打卡Selfie一番，最近距離觀賞位置應該係中西區海濱長廊(中環段)。好多朋友於首爾同台北見過佢，而今次來香港係第3站。藝術家KAWS本人更會來港出席香港站開幕活動。
KAWS COMPANION總長37米、以全新灰調登場，係KAWS至今最大型臥姿藝術作品，亦配合3月香港藝術月作為重點項目，希望大家放慢生活步伐，放鬆觀賞。《KAWS：HOLIDAY》由亞洲萬里通贊助、香港旅發局全力支持，香港的主辦及策展單位係由林樹鑫(SK Lam)擔任創作總監的AllRightsReserved，來頭亦唔小。今次更會合作推出一系列限量主題產品，包括全新灰調浮水公仔及浮床、香港站T恤及手提袋一共4款獨家限量商品，售完即止。潮人萬勿錯過。
