香港會議展覽中心昨日發表2016至2017財政年度的統計數字，顯示人流暢旺。原來會展中心呢一年一共舉辦了1,102項活動，當中包括116個展覽、104個國際及本地會議，以及近千項商務活動、宴會及文娛活動，全年入場總人次達570萬，Ray以一年365日計一計，即每日平均有超過1.5萬人入場參與各項活動，唔怪得成日都覺得咁迫人。
正如會展管理公司董事總經理梅李玉霞(Monica)話，會展業亦要與時並進，講究活動整體體驗，唔係淨租場咁簡單，佢哋唔能夠坐定定等生意上門，要主動出擊，睇番數字，今年116個展覽中有8個首次在會展中心舉行，而104個會議中亦有36個係首次，即係有44個新增活動。而值得高興的是會展管理公司獲國際及本港機構頒發共28個獎項及證書，包括「最佳國際會議展覽中心」及「卓越會議及展覽場地大獎」等，值得高興。