麥當勞喺香港超過40年，亦為本地提供大量就業機會，大企業僱主能夠有效管理逾1.5萬名員工，最重要係靠卓越的工作環境，點樣證明呢？麥記昨日便再獲評為Aon Hewitt「香港最佳僱主」，仲係第6度獲此殊榮㖭！
Ray聽講呢個獎的甄選過程非常嚴格，受評選的機構須接受深入評估，並提交詳盡的人力資源管理政策。香港麥當勞一姐黎韋詩分享感受時話，作為一家「以人為本」的公司，一直努力為僱員建立歡樂及共融的工作環境。佢仲話，相信「機會盡在麥當勞」，所以致力為僱員提供專業培訓及職業發展機會，去年佢哋便投放了28萬小時喺僱員培訓上，亦晉升了逾7,200名僱員；公司亦重視僱員的專業發展，去年為配合全新Experience of the Future(EotF)服務模式而成立的顧客服務團隊，以及培訓咖啡專才的McCafé『五星咖啡調配師』計劃，正是最佳例子。
黎韋詩仲話，除咗著重僱員喺事業發展之餘，亦十分支持僱員貢獻社會。「麥當勞義工隊」於2012年成立，至今已錄得逾4,400小時的義工服務時數；仲有，為提升團隊士氣，麥記亦不時獎勵表現優秀的僱員，例如邀請餐廳管理團隊外遊、定期舉辦各類聯誼活動等，當然，管理層聆聽僱員意見加強溝通，建立歸屬感亦都唔少得。