去年出席一個品酒活動，並擔任講者，題目是如何為不同場合揀酒。談過工作晚宴、私人聚會、酒局、送禮等等，然後有人問：「如果妳要揀支酒，同一個妳唔係好想見嘅人一齊食飯飲酒，妳會揀咩？」雖百思不得其解何以會有這樣的情況出現，既不想見，倒不如乾脆拒約，但作為講者，有問必答。想了幾秒，我說：「帶一支我自己好想飲，要係好酒，又可以慢慢飲嘅酒。」
對方聽罷，呆了一下，問：「點解呢？」我猜他可能在想，明明不想見那一個人，怎會帶瓶好酒一起喝，更要慢慢喝，不是該早點完場，早點說「拜拜」麼？
我的答案：「同唔想見嘅人一齊食飯，即係會好悶啦！咁就要帶支好嘅酒，我可以專心飲酒，唔講咁多嘢，仲可以自娛；如果我因為唔喜歡眼前嘅人，就帶支唔好嘅酒，我咪會仲唔高興？」對方笑了一聲，便沒有再提出其他問題。
有這樣的想法是因為自覺在品酒的時候，經常像在與酒對話，問它「你來自哪裡？」、「你以哪些葡萄品種釀造？」、「你經歷過怎樣的釀造過程？」、「你有沒有提早衰老？」、「你都30歲，但係好似25歲喎，點解呢？」久而久之，我便習慣了每當有酒在跟前，總能自娛一番，想這想那。
不過，有時想得越多，想得越深，就越想不通，結果，我選擇索性不想，喝掉酒杯裡的酒便算。