都說顧客會覺得「顧客永遠是對的」，所以工作時會遇到好多肆無忌憚信口雌黃的「貴客」。從前是某刊物攝影師，如今主力拍網絡宣傳片的攝影師K小姐，就被「貴客」耍得陀陀擰，全因「貴客」心目中有假想敵。K說：「本來條片係sell友情，兩個女仔一齊分享使用某美容產品後感受，由拍攝開頭嘅storyboard、拍攝前嘅準備、真正拍攝以至到開後期製作會，一直都是講溫馨友誼feel，咁一路keep住呢個方向做……直到今朝再開會，個客嘅大姐大忽然要推倒重來，話：『我唔要呢啲，要走型格路線！』惡夢就開始……」
原來昨晚大姐大看到對手出了一條新片，人家不但重金禮聘「大星」作代言人，又名車又動畫又吊威也，看得大姐大面紅耳赤！其實，由品牌名聲、預算、製作時間以至宣傳攻勢，「貴客」根本就不是人家的對手，自詡是競爭對手其實是自己高攀了；再者大姐大期望用手頭上的溫馨feel片段變成型格宣傳片，就等同是個不可能的任務，K說：「大姐大：『你哋唔識加啲graphics同動畫，仲有啲電子音樂做到佢型啲咩？』即係要十字步隊長家燕姐跳PAKHO啫，死得人呀！」要可預見嘅結局就是做完一大餐，大姐大後會喝過孟婆湯一樣：「係咩？我提議吓之嘛……做到咁不倫不類，點得呀？」