反修例活動顯著影響飲食零售生意。
反送中有多影響大家生活作息和周末時光，大家都有目共睹。這陣子我和飛男的電郵郵箱，都塞滿一大堆宣傳電郵，都是名牌開倉、本地酒店特價推廣，好明顯就是「要錢唔要貨」。
對品牌比較敏感的飛女說：「有很多品牌從前就是減價，都不會搞開倉，就算減都好低調咁喺自己店舖內搞，如今都要向現實低頭，喺商廈或者酒店function room租個位就拿拿林推晒出嚟賣……真係一句講晒——cash is king!!」
至於酒店就更加叫苦連天，從前甚麼星級的住宿都不容易找到吉房，自然可以「吊高嚟賣」；不過今夕不同往日，房間空置率高，間間推出住宿加餐飲套餐，又巧立名目搞甚麼「stay-cation」，真的從未如此重視本地客似的。朋友說笑話趁現在價錢平，租一晚當「開房」都不錯……哈哈哈哈，豈不是對時租酒店帶來很大衝擊？