離譜海膽蟹膏飯
酢麵豉軟牛脷
老實講，每次入元朗都係為咗做嘢/食B仔個雞翼尖，你可能會話：唔係啊嘛？仲B仔？係！就係為咗個雞翼尖！作為九龍人，入元朗對我嚟講絕對係長征！不過，自從YOHO MALL形點1期擴充咗之後，又多個藉口入去喇！
除咗最愛嘅Mango Tree Café，最近受寵幸嘅穴壽司亦係值得大大推介俾大家。有留意開慾女專頁嘅朋友一定有睇過「離譜海膽蟹膏飯」呢個post，$168大大鍋松葉蟹蓋海膽石鍋飯，價錢離譜地平到我覺得餐廳可以加價之外，分量亦都好足料兼高質，唔係揸流攤！松葉蟹膏、蟹肉、蟹籽同馬糞海膽鋪滿飯面，用燒至熱辣辣嘅石鍋飯盛住上枱，風味十足。蟹膏用海膽嘅鮮拌勻每口白飯，愈食愈滿足！另一個必試兼可賣貴啲嘅酢麵豉軟牛脷($88)，外脆內嫩，原來係要煮完再經過繁複嘅脫皮處理，再煎香兩面先做到咁juicy嘅效果。今個星期再入元朗吧啦！
元朗YOHO MALL形點1期1樓1027號舖 2353 5515