昨天說到，走進茶餐廳的一位紅衣女士，坐到我們的後座，跟伙記點了一杯熱咖啡，就老盯著我們不放。我裝作若無其事(這種靈身存怨氣，一般不好惹)，便繼續與學生仔攀談。學生仔原來才在死後遇上藍紅頭，生前兩人早已不往來。
我好奇他們怎麼找到對方，他卻是理所當然說︰「我比我大佬死早幾年，之後佢大多喺舊時嘅機舖打躉，返去打機就識番了。我係自殺㗎。因為條女飛咗我，跟了另一個老死。一氣之下，我跑到佢住嘅大廈，叫佢出來講清楚。之後我唔理三七二一，拉佢一直跑上去天台。原來想，兩個一起死咗算，一了百了。我大力推她，到了邊緣嘅時候，自己卻差錯腳......好像是左腳kick右腳，定係調轉，唔記得了。總之最後我推唔到個八婆落去，自己一嘢就衝落樓。」聽到心驚膽跳，他卻像說別人的事。
「嗰幢樓有11層高，但我自己事後數過，唔到3秒我就撞到地了。身上一啲都唔痛，我仲清楚見到個路燈同側邊架車。到我醒番嗰陣，成個人手腳都唔郁得，之後又好番晒，睇我而家乜事都冇。不過話時話，到底我算係自殺？定係意外？」看著學生仔一臉天真，卻在19歲那年便提早報到，感覺惋惜。
藍紅頭有點坐不住，轉身說要上大號，學生仔卻爆料他到廁所上電。我小聲的問他有沒有投胎機會，他推說不急，只一直著我幫他燒某樂隊的CD，說早前在街上認識了其「主音」，一心想找他簽名。(待續)
