1. 就算你男友都在場都好，同場女子嘅存在並唔會為你構成威脅。你哋本來就唔係競爭對手，無需爭妍鬥麗、暗自比較，更絕冇必要頻頻補妝起勢撥頭髮。
2. 避免講人是非。是非就好似一張用過嘅雙眼皮膠紙咁，你以為掉左，但最終會係自己衣領袖口某處再出現。道人長短係好爽，但可惜到頭來會返返自己身上。
3. 可以被啟發，但要有自己風格。活喺其他人影子底下，對自己嘅否定程度等同撼頭埋牆。就算個角色演得幾成功，人生依然失敗。
4. 唔好為討好任何人去改變自己，尤其當對方為戀愛對象時。
5. 唔好只追求同一個對你好嘅人一齊，咁樣屬於出賣靈魂嘅一種。要同個與你靈魂相愛嘅人一齊。
6. 用完街外嘅廁所，如果你好似花灑咁噴到周圍都係，請抹乾淨塊板先比下一手用。抹自己啲尿冇乜嘢，但要人哋出手就陰X公。
7. 點解對街外人就咁好，對屋企人反而呼呼喝喝呢？
8. 「稱讚別人或者認同人哋嘅成功，其實並唔會分走你嘅光芒，反而妒忌心會令你變得好醜好醜。」呢點我第一本書入面都多次有提到。
9. 用人不疑，疑人不用；一齊得就要信，覺得佢咁唔可信仲同佢一齊即係同自己作對。
10. 天大地大，學習係唯一唔會令人後悔嘅事。
一名乾物女，過氣空姐，為愛由北區移居到北歐多年。熱愛地球同時喜歡講粗口，志願是能夠與動物溝通。