7月嗰陣，土下座曾經介紹過一隻由芬蘭遊戲公司Supercell開發，叫做《Brawl Stars》嘅電競手遊，當時遊戲先響香港區上架。事隔半年，呢隻遊戲已經推出咗正式版本，而且包括繁體中文在內一次過更新埋18種語言，最癲嘅係呢個正式版更將畫面質素、介面全面升級埋，以往2D嘅場地同角色已經變成全3D，中文正式名為《荒野亂鬥》！
響呢件事上面見到Supercell真係非常神奇，一隻game測試年幾兩年已經好少見，正式上市時更將遊戲全面改頭換面，已經唔係誠意十足可以形容。再講多次呢隻遊戲好值得大家留意，首個正式世界比賽出年就開始，絕對有機會成另一電競熱門作！寫到呢度，要講句2019年再見啦咁多位讀者朋友！