自從2006年有呢個計劃開始，《Final Fantasy XV》經過10年開發時間。背後嘅事件已經變得非常傳奇，首先遊戲嘅原製作人野村哲也，因為想用《FF》去做啲冇試過嘅嘢(本來想做第一身視點甚至音樂game)，於是唔用正統續作名，而叫做《Final Fantasy Versus XIII》，然後經歷好多實驗，製作人再由野村換上田畑端，又加入新遊戲引擎「夜光」，及真正改名做《FFXV》，終於無驚無險出得成。土下座幾乎係第一時間入game試，簡評一句就係水準的確非常高，但唔可以有fans包袱，否則好多地方都唔會睇得順眼。有傳今集極可能會係最後一集，因為已經花咗好多時間先完成到，而野村亦有講未打算開發續作，以後係咪唔會再有咁大投資嘅日式RPG呢？