More 女要望落顯瘦，除咗著衫技巧要注意外，面部皮膚嘅保養，對於More女來說同樣重要，只要擁有瓜子臉形及童顏肌膚，加上上2次同大家分享嘅著衫秘訣，就算身形略胖，但整體看起來，就會更顯瘦及年輕。尖尖嘅面型總令人有錯覺係較瘦，證明皮膚嘅保養非常重要。
感恩我之前做咗十幾年美容行業，可以永遠第一手就試到最新最好嘅美容儀器及產品，可能因為咁，每次新朋友知道我今年已經46歲及180磅時，都嚇了一跳，因為單從我嘅面型和皮膚完全睇唔出。就算而家已經唔喺美容行業，但一知道有咩新嘅美容儀器或技術推出，我心口都會掛個勇字，第一時間走去試。
最近朋友介紹下，去咗銅鑼灣一間樓上美容院，試一個叫做INDIBA®細胞修復嘅療程，佢哋用嘅係西班牙美容機，主要針對改善雙下巴、提升面部輪廓、加強膠原自生能力、同時有保濕效果。
可能你會問：「車！去打HIFU咪得囉！」如果你試過打HIFU，應該知道有幾「痛」，但呢部機，過程唔痛、一樣有效果，雖然未必同HIFU一樣咁持久，但可以喺無痛狀態下做到想要嘅效果。
當日試機，塊面只係暖暖哋，舒服到直頭瞓著咗，雖然做完之後，皮膚底層因為「做緊嘢」塊面會keep住熱一陣，紅紅地，但我覺得可接受，因為似剛剛做完運動咁。睇番自己「事前」、「事後」相片對比，塊面果然比之前尖咗同有輕微提升，效果都幾明顯。
其實講到尾，More女覺得，只要懂得保養皮膚、再配合啱自己嘅衣著打扮，無論肥或瘦，都可以令人眼前一亮。