身材豐滿嘅more 女著衫都有一樣共通點，就係遮得就遮，加上要深色，最好黑色一大塊布包住就好有安全感，覺得咁人地就見唔到自己邊度肥。但事實咁樣著出嚟嘅效果，只係似我最鍾意燒野食果時嘅圓柱形黑炭，毫無美感可言。身材係講求比例，就算尺碼較大，但只要我地著衫令人覺得有胸，有腰形，整體身形比例合理，就算豐滿身形，都可以著得好靚。每個人都知道自己身形嘅優點和缺點，只要我們著衫可以突出優點，遮掩缺點，每人將注意力放在您優點上就可以。
夏天到了，好多好靚嘅衫都要露膊或露手臂，More女們當然大傷腦筋，因為通常我們都擁有強勁嘅臂彎，雖然露膊或露臂很涼快，但始終鼓不起勇氣著坦蕩蕩裸露出人前。但事實上，如果件衫露得適當，反而更加顯瘦，因為會令件衫更有層次和身形橫、直切面減少，唔會顯得好橫同時，更顯得窄咗同瘦咗。
另外短褲亦係另一樣令More 女們又愛又恨嘅夏天衣服。因為大腿或小腿都比較粗壯，所以就算天氣幾熱，都寧願著長裙或長褲遮掩。但其實現在正正流行蜜腿，即時粗唔緊要，最緊要結實嘅雙腿，只要短褲唔係短到見到pat pat，適當露出結實嘅雙腿，可令雙腿比例拉長，顯得擁有修長美腿，加上近期流行上衣甚至外套下襬是紗或lace，若隱若現遮住雙腿，令整體更修長顯瘦。所以這個夏天，露唔怕，只要露得合適，more 女們都可以好靚！
(照片由作者提供)
