細路在英國讀書真係好開心，假期多多，上個月才放了一星期term break，返多一星期又將會放超過兩星期的復活假節假期，又要計劃有甚麼活動了。英國是基督教國家，繼聖誕節之後，復活節就是第二個大節日，未到3月各大超巿、商舖已開始見到有關復活節的產品登場，提示大家要消費準備慶祝了。
就快復活節，在ALDI超巿見超多朱古力蛋。
上個月表妹由香港飛來英國曼城玩幾日，帶她行英國12蚊店Poundland，還有貨品價錢較實惠的Quality Save，她一向喜愛做小手作，一見到琳琅滿目的復活節手工用品，又平又靚，即忍不住大手掃貨，滿載而歸。論最多的復活節產品，一定非朱古力蛋莫屬，早幾日行超巿，簡直排山倒海，各大糖果品牌都推出了各式各樣、不同口味、大大細細的朱古力復活蛋，非常吸睛，有些還連布公仔、杯以套裝發售。復活節產品價錢唔貴，KitKat、麥提莎、Smarties朱古力蛋英鎊£1.25一隻，計港幣唔使12蚊；Peter Rabbit連朱古力蛋英鎊£6。
英國的復活節都興做親子手工，最熱門多人做是一種叫Easter Bonnet的復活帽。復活帽象徵新生、救贖，戴新帽和頭飾參加教會節日崇拜是傳統，有不少英國學校也會邀請學生在復活節假前戴他們DIY的復活帽回校。在Quality Save就見到Easter Bonnet套裝有售，有齊帽及裝飾，英鎊£4.99有交易。家有小孩的，一於買來在復活節假期親子互動一番。