激筍價二人前$688 8道料理鉄板燒@WAKO SAKE BAR

鉄板燒，呢三個字從來都同貴字掛鈎，定律嚟，無論你喺香港九龍定新界食鉄板燒，最低消費都動輒八百至一千起跳，不過WAKO SAKE BAR決定打破鉄板燒=貴呢個定律，錫住大家個荷包。
繼上次$298日本酒全晚放題之後，今次再推出鉄板二人前套餐$688，你冇睇錯，係$688，仲要二人前，除開每位都係三百零，堅抵食。套餐總共八道料理，有和風野菜沙律、豊洲直送刺身三點盛、北海道松葉蟹棒拌日本小茄子、季節串燒盛(五串)、鉄板燒比目魚、美國安格斯牛肉薄燒、日本櫻花蝦炒飯或牛肉稻庭湯烏冬同埋時令甜品，相當豐富，絕無將價就貨，刺身唔會見到三文魚出現，menu當中以比目魚最為出色，師傅煎得香脆入口油分充足，櫻花蝦炒飯炒得乾身亦盡顯功架。
酒友們如果想盡情暢飲，另加$298，酒櫃裡頭100款日本酒，任你飲！喺今日乜都加價嘅香港，WAKO SAKE BAR竟然做啲同財爺相反嘅嘢，要讚。
WAKO SAKE BAR│銅鑼灣摩理臣山道23號南洋酒店2樓│3619 5358