呢幾年大家都攰啦。仲食fine dining？casual-fine dining CITRINO da YOSHINAGA JINBO
呢幾年大家都攰啦，休息下啦好唔好？尤其是餐飲業，兩餸飯當道年代連出街食飯都覺得攰，何況用上幾粒鐘食fine dining法國菜？而且有些菜式來來去去都係兩三道板斧，重醬重牛油，有點過時兼悶出鳥來。
但市場原來一直改變緊，casual-fine dining應運而生。中環安蘭街CITRINO da YOSHINAGA JINBO完美示範何謂輕鬆不拘謹又不失精緻高級的日式意大利菜，菜式風格充滿現代感，亦好IGable。CITRINO夜晚不設套餐只有a la carte menu，想食乜食幾多悉隨尊便。
CITRINO│蔬菜魔術師的暖沙律
來自東京的日籍主廚Yoshinaga Jinbo(神保佳永)，有「蔬菜魔術師」之稱，一道暖沙律(Bagna Cauda)令我大開眼界:蒜香鯷魚汁包著近三十款時令蔬菜，蔬菜用不同烹調手法例如發酵、慢燉、烘焙、煎炒、油炸等，醬汁輕盈可口，令人吃得舒服，呢個沙律必吃！另一道魚子醬海膽有機番茄凍意麵，組合好簡單，法國魚子醬、北海道海膽、有機水果番茄醬、冷意麵，入口清爽宜人，酸甜滋味平衡，北海道海膽額外提供絲滑奶油口感，配搭恰到好處，令人吃得舒服X2。主菜意大利西西里檸檬牛油野生幼鰈魚，法國多佛鰈魚肉質鮮美，檸檬與荷蘭傳家馬鈴薯經法國黃油煮過，帶有濃烈地中海風味，令人吃得舒服X3。是夜大概吃了七至八款菜式，極飽之下胃納卻冇乜負擔，丁點滯脹感都冇，好舒服，主廚Jinbo San係堅既！仲食fine dining？不了。另外個人推介菜式：小鯷魚焦糖洋蔥餡餅、發酵卡普里沙律配意大利馬蘇里拉奶酪慕斯、羊肚菌金黃雞油菌燴飯等等，個洋蔥餡餅小心吃上癮。
CITRINO da YOSHINAGA JINBO
中環安蘭街18號2樓
63662856
www.citrino.hk
