EC職場周記—生日職場抽水攻略(下)
【上集講到】
楚丁近期情緒不妥，又找不出因由。無意中被畢哥發現了；畢哥起初以為是「聖誕節症候群」，經深入討論後又排除了這個可能；因為，在楚丁來說，大部份的節日都是相約的……突然，楚丁歸納到可能是由於臨近自己的生日季節所致；這時，畢哥又故態復萌，忽然提出了偉論：《生日職場攻略》，AM730的讀者們，您有聽過這理論嗎？
【生日是一種關係】
畢哥：「琴日，14號喺妳生日？做乜唔一早講？點解要咁低調？」
楚丁：「冇咩特別原因！只不過……我不嬲生日都好低調……」
畢哥：「咁咪嘥咗囉！都唔完全怪得妳，呢個就正正喺妳嘅性格！」
楚丁：「畢哥，生日喺自己嘅，低調唔話俾人聽，嘥咗啲乜嘢？反而，我有時覺得喺慳返好多嘢……例如：時間、麻煩、禮物、仲唔會阻住人地做其他更重要嘅事囉！」
畢哥：「咁咪就係咁囉！妳講得好好！妳剛才咪自己分析咗俾大家聽囉！生日其實喺一個關係，喺自己同自己嘅關係，同時，都喺自己同其他人嘅關係……為咗確認呢個關係，花些少時間、花些少錢、做一啲平時少做嘅事、買一啲特別嘅禮物……人之常情。
【生日是一種權力】
楚丁：「喺啫！但喺大家都咁忙，啲錢銀又唔喺好鬆動……真喺唔想打擾大家！」
畢哥：「唉！妳嘅性格真喺呢……咁妳可以當夾錢買禮物俾朋友，不過今次就輪到大家夾錢買俾妳，咁諗咪得囉！」
楚丁：「呢個講法好特別喎！我好似諗通咗些少嘢……」
畢哥：「嗱！啱啱寄咗篇文章俾妳，個作者叫周朗，寫埋啲得意心理學，嗰篇叫做《疫思疫友—慶生大騙局中的幸福感》。所以，根據佢嘅講法，妳生日嗰個月，就喺『有責有權；當之無愧』咁收禮物啦！」
楚丁：「呢個講法聽落好舒服喎！因為我經常都有份夾錢買禮物俾朋友。」
【生日比節日來得震撼】
畢哥：「咁咪喺囉！平時大時大節，嗰嗰都喺持份者，大家都有份，冇咩邊嗰喺主角！但生日就完全唔同，自己霸晒，做正主角！除了『一年一潤』之外，官方文件上仲清楚記載住，正所謂：『有根有據；理直氣壯』。
楚丁：「聽落！真喺有啲震撼嘅感覺添！」
【私人與職場的分別】
畢哥：「講到尾！呢種一年一度嘅震撼，都喺一種開心，若果妳經常替人家打算，更加應該將呢種值得開心嘅機會攞出嚟，反正：『獨樂，不如眾樂』。
楚丁：「講得好啱！畢哥！其實依家大家都好需要一啲可以大家開心嘅藉口，只可惜我嗰生日過咗……」
畢哥：「其他公司我唔知，但我聽過碧姐講：呢間公司有『生日假期』，所以，妳應該問返碧姐，我諗佢會公事公辦，唔會呃妳！」
楚丁：「咁正！真喺無諗過囉！」
畢哥：「其實，正如妳咁講：依家大家都好需要一啲可以一齊開心嘅理由，就算公司官方冇，咁非官方都可以約埋食嗰飯，下午茶時間食嗰蛋榚，都喺賞心樂事！」
【生日職場抽水攻略】
楚丁：「畢哥！你俾呢張紙我，喺咩嚟㗎？咩嘢『抽水攻略』？」
EC職場周記—生日職場抽水攻略(下)
【抽水都是為了快樂】
畢哥：「楚丁，嗱妳記住：『職場搵銀喺常識，生日抽水變達人』！」
楚丁：「多謝畢哥！崔達人！」
畢哥：「生日快樂呀！歸達人！」
《EC職場周記》角色介紹
本劇主要圍繞4位主角，分別是兩男兩女。
趙達標：總經理。任務導向，人緣方面就……
崔畢源：銷售經理。開朗樂天，講就天下無敵……
歸楚丁：初級文員。任勞任怨，平易近人……
沈碧堅：行政主管。有原則，要求甚高……