撤辣是機定危？
今期是樓市撤銷辣招後第一稿，自去年初開關時曾指當時為樓市最後逃生門，至今樓市下跌20巴仙後，今期第二次提示各位，有投資樓市者，如現時不賣，有機會現斷崖式下跌。撤辣當日，報道指有業主反價封盤比比皆是，有單位加10萬元成交，營造一片向好氣氛，情況早能預料。第一，撤辣對樓市跟開關一樣，肯定是好消息，有好消息而變得進取積極，是人性。第二，地產商跟傳媒乃客戶關係，有好消息幫忙唱好助出貨套現太合理了。第三，新聞就得要報道奇聞怪事，新聞學第一課有說「狗咬人不是新聞，人咬狗才是」，一直報道年多樓市慘況，看也看悶了，有新衝擊吸睛也是好事。
據報道，放盤4萬個中，反價封盤僅300個，不足1%，這才是實況。就算99%放盤者按兵不動，二手成交也不見活躍，今次撤辣，主力受惠是發展商，許多無人問津已久樓盤錄得成交，有地產商撤辣後首批單位售罄立即「係咁依」加一兩個巴仙連夜加推，亦有樓盤首期推168伙，平均賣14,800蚊一方呎，實行頭威頭勢蝕住賣，務求快速資金回籠不致泥足深陷，後面還可小量加價減少損失。以上種種，顯示後市取向非常明顯，再加上一口氣買一圈炒家重現，如一段時間後出現大量撻訂新聞，後市會點？各位自己執生。