今年最後一個國際賽期空檔，吸睛有阿仙奴傳奇領隊雲加嘅紀錄片《Invincible》上畫。雲爺帶領兵工廠贏過3個英超、7個英足盃冠軍，打造2004年不敗經典；之後阿仙奴慢慢走低，雲爺被逼辭職，兵工廠衰落到今屆歐洲賽冇份踢。佢喺一場慈善座談會同當年捧佢上位嘅前主席甸恩嘅答問，極富娛樂性，甸恩提到當年推荐冇名氣嘅雲加上任，內部激烈反對、球圈譁然；雲老1996年上任，英超同屆另一個外籍領隊係車仔古列治，其餘全部係土炮波士；呢兩間倫敦球會之後大量掃入外國球員，係英超盛世嘅基石之一。如今英超有13位外國領隊執教，英格蘭人得返4個。又講到阿仙奴當年為起新球場縮皮，高薪主力要走人，但亦成就當年中東油王入主曼城，買晒阿仙奴嘅好嘢，企穩陣腳。如今紐卡素又有油王入主等救兵，最有機會撬走邊隊波嘅猛將打護級戰？哈利卡尼仲走唔走？
唯一不變係法國人，雲加子弟兵韋拉。當年喺英國學到嘅第一句英文，而阿仙奴嘅北倫敦死敵熱刺呢30年真係冇攞過一個重要錦標；韋拉如今做埋水晶宮主帥，今屆首遇熱刺即大炒對手3比0。